..........Agar Talash Karun Koi Mil Hi Jaega.....

Agar Talāsh Karūñ Koī Mil Hī Jā.egā

Magar Tumhārī Tarah Kaun Mujh Ko Chāhegā

Tumheñ Zarūr Koī Chāhatoñ Se Dekhegā

Magar Vo Añkheñ Hamārī Kahāñ Se Lā.egā

Na Jaane Kab Tire Dil Par Na.ī sī Dastak Ho

Makān Khālī Huā Hai To Koī Aa.egā

Maiñ Apnī Raah Meñ Dīvār Ban Ke BaiThā Huuñ

Agar Vo Aayā To Kis Rāste Se Aa.egā

Tumhāre Saath Ye Mausam Farishtoñ Jaisā Hai

Tumhāre Ba.ad Ye Mausam Bahut Satā.egā